బల్లిలాంటి రూపం... 10 అడుగుల మెడ... నాలుగు కాళ్లతో నడక.
జంతువుల్లో దేని మెడ పొడవైనది అంటే టక్కున జిరాఫీదని చెబుతారు. కానీ అంతకన్నా చాలా పొడవైన మెడ జీవి ఒకటి ఉంది. అదే టాన్స్ట్రోఫియస్ (tanystropheus). గ్రీకులో ఈ పేరుకు అర్థం పొడవైనది అని.
* ఈ వింత జీవి ఎక్కడ ఉందో చూసొచ్చేస్తే పోలా అనుకోకండి. ఇదిప్పుడు లేదు. ఎప్పుడో 23 కోట్ల ఏళ్ల క్రితం అంటే డైనోసార్లు తిరిగినప్పుడు భూమిపై తిరగాడుతుండేది.
* ఈ వింత జీవి శరీరం పొడవు 20 అడుగులు ఉంటే అందులో మెడే 10 అడుగులు ఉండేది. ఆ మెడను ఎలాగంటే అలా మెలికలు తిప్పడం కూడా దీని ప్రత్యేకత.
* చూడ్డానికి డైనోసార్ పోలికలున్నా కానీ ఇది డైనో కాదు. సరీసృపం. ఇప్పుడు మనం చూస్తున్న బల్లులకు ముత్తాతలాంటిదేనట.
* ఐరోపా ప్రాంతంలో తిరగాడేదిట. దీని శిలాజాలు అప్పుడెప్పుడో 1855లోనే దొరికాయి. కానీ దీని మెడ ఇంతలా పొడవు ఎందుకు ఉండేదని ఇప్పటికీ పరిశోధనలు జరుగుతూనే ఉన్నాయి. కానీ ఎవరూ సరిగా చెప్పలేకపోతున్నారు. కొందరు పరిశోధకుల అభిప్రాయం ప్రకారం నీటి లోపలికి తలపెట్టి చేపలు తినడం వల్ల క్రమేణా ఇలాంటి మెడ ఏర్పడిందని భావిస్తున్నారు.
* ఈ పొడవు మెడ జీవి చాలా బద్ధకస్తురాలు. నేలపైన చాలా నెమ్మదిగా నడవడమే కాదు, నీళ్లలో ఈత కూడా మెల్లగా ఉండేది.
* అప్పట్లో డైనోలు వీటిని చూస్తే ఆంఫట్ అనిపించేవి.
* బల్లులకు తోకలు తెగితే మళ్లీ పుట్టుకొస్తాయిగా? అలాగే దీనికి కూడా తోక తెగితే కొత్తగా వచ్చేదిట.
* ఇక వీటి పళ్లు చాలా పదునుదేలి ఉండేవి. వాటితో చేపల్ని చిన్న చిన్న జలచరాల్ని, నేలపైన కీటకాల్ని గుటుక్కుమనిపించేవి.
* రోజులో ఎక్కువ సేపు నీటిలోనే ఉండేవి.
* దీనికి నాలుగు కాళ్లు ఉండేవి.
* ఈ పొడవు మెడ జీవులు ఎక్కువ గుంపులుగానే తిరిగేవట.
- ============================
Visit my website : Dr.Seshagirirao.com _
